སྤྲིན་གྱི་ལམ།

སྤྲིན་གྱི་ལམ།

སྤྲིན་གྱི་ལམ།

སྤྲིན་གྱི་ལམ།

<<སྤྲིན་གྱི་ཕོ་ཉ>>ལ་དཔར་མ་མི་འདྲ་བ་འགའ་ཡོད་པ་ལས། འགྲེལ་བྱེད་གྲགས་ཅན་ཕྲེང་བའི་མགོན་པོ་ལ་སོགས་པས་ཤོ་ལོ་ཀ་བརྒྱ་དང་བཅུ་གཅིག་རང་དུ་བྱས་ཡོད།  གཤམ་གྱི་ཤློཀ་འདི་དག་ཀྱང་ནག་མོ་ཁོལ་རང་ཉིད་ཀྱིས་མཛད་མིན་ལ་པར་རྩ་སྒྲིག་མཁན་དག་ཞལ་མི་མཐུན་ཞིང་།  ལ་ཤས་ཀྱིས་གཤམ་འཁོད་ཀྱི་ཤོ་ལོ་ཀ་འདི་དག་ཟུར་དུ་བཀོད་ཡོད་ལ།  ཁ་ཤས་ཀྱིས་དཀྱུས་སུ་བཀོད་པའང་ཡོད་པའི་གསལ་བཤད་དུ། 

དེ་ལྟར་བསྟན་པར་ལྷ་ཡི་བདག་པོའི་གྲོགས་བཟངས་རི་བོ་དང་ནི་ཆུ་བོ་གྲོང་རྣམས་སུ།།
གནས་ཤིང་གནས་ཤིང་ནོར་སྦྱིན་བདག་པོའི་གྲོང་ཁྱེར་དུ་ནི་ཉིན་མ་འགའ་ཡིས་འབྱོར་བར་གྱུར།།
ལྷ་ཡི་ཁང་བཟངས་ས་ལེ་སྦྲམ་གྱིས་རབ་ཏུ་མཛེས་པ་མཚན་མ་རྣམས་ནི་སྔར་བཤད་པ།།
དེ་ཡི་ཕང་དུ་ས་ཡི་གཞི་ལ་ཞུམ་པར་གྱུརད་པའི་གནོད་སྦྱིན་མོ་ནི་མཐོང་བར་གྱུར།།

སྐྱེ་བོར་ཕན་ལ་རབ་ཏུ་མཉེས་པའི་ཆུ་འཛིན་མཆོག་གིས་གནོད་སྦྱིན་དགའ་མ་དེ་ཡི་ནི།།
ཚེ་ཡི་སྲོག་རྣམས་བསྲུང་བའི་སླད་དུ་མཆོག་གི་ངག་གིས་འཕྲིན་པ་དེ་ནི་སྨྲས་པར་གྱུར།།
དེས་ཀྱང་བདག་གི་ཁྱོ་བོའི་བཀའ་མཆིད་རབ་ཏུ་ཐོབ་ནས་ཡིད་ནི་རབ་མྱོས་གནས་གྱུར་ཏེ།།
སྐྱེས་བུ་མཆོག་རྣམས་དོན་དུ་གཉེར་ན་མངོན་འདོད་འབྲས་བུ་སུ་ཞིག་ལ་ནི་སྟེར་མ་གྱུར།།

དེ་ནས་འདོད་པའི་གཟུགས་ཅན་ཆུ་འཛིན་གྱིས་ནི་བསྟན་པའི་ཕྱིར་དུ་རི་བོ་དེ་ནས་སུ།།
མྱུར་བ་མྱུར་དུ་ལྕང་ལོ་ཅན་གྱི་གནོད་སྦྱིན་སྡུམ་པ་འོད་ནི་བྲལ་བ་རྟགས་རྣམས་མཐོང་རྟོགས་ནས།།
གསང་བ་བ་ཡིས་རབ་ཏུ་འབད་པས་ཡང་དག་བསྟན་པ་མཉེས་གཤིན་སྙན་པ་གང་ཞིག་ནི།།
དེ་ཡི་ཁྱིམ་ན་གནས་པའི་དགའ་མ་ཡོངས་སུ་རྫོགས་པ་མོ་ལ་ཐམས་ཅད་བརྗོད་པར་བྱས།།

ནོར་གྱི་ལྷ་ཡང་ཆུ་འཛིན་གྱིས་བཤད་གཏམ་དེ་ཐོས་ནས་སྙིང་ལ་སྙིང་རྗེ་དང་བཅས་ཏེ།།
ཁོང་ནས་ཁྲོ་བ་ནུབ་པར་གྱུར་བས་དམོད་པའི་མཐའ་ནི་སྐད་ཅིག་དེ་ལ་རབ་བསྒྲུབས་ཤིང་།།
ཡང་དག་སྦྱར་བས་དགའ་བའི་སེམས་ལྡན་ཁྱོ་ཤུག་ཟུང་ནི་གདུང་བ་ཡོངས་སུ་བྲལ་གྱུརད་པས།།
འདོད་པའི་ལོངས་སྤྱོད་རྒྱུན་མི་ཆད་པ་རྟག་པའི་བདེ་བ་ཉམས་སུ་མྱོང་བར་བྱས་པར་གྱུར།།

དེ་ལྟར་གྱུར་བ་ལེགས་པར་སྦྱར་བ་ཚིག་ནི་སྤྲིན་གྱི་ཕོ་ཉར་མངོན་པར་བརྗོད་པ་སྟེ།།
དགའ་བའི་རོལ་རྩེད་ཡོངས་སུ་བྲལ་བ་རྣམ་པར་བྲལ་དུས་སྐྱེས་བུའི་ཡིད་ཀྱི་རོལ་རྩེད་དང་།།
འདི་ལ་སྤྲིན་གྱི་མཆོག་ཏུ་མཁས་ཉིད་སྙན་དངགས་མཁན་གྱི་བློ་ཡི་འགྱུར་བག་མཆི་བ་སྟེ།།
འཕགས་མ་དེ་ཡི་ཞབས་ཀྱི་པདྨོར་ཕྱག་དག་འཚལ་ནས་ནག་མོ་ཁོལ་གྱིས་སྦྱར་བར་བྱས།།
༢༠༡༣།༣།༡ལ་བསྒྱུར།