གང་ལ་གང་མཁོ་དེ་ལ་དེ་ཡི་ཆེད།།
རིགས་དང་རུས་པ་མ་དབྱེ་སྟོན་མཛད་པ།།
འཁོར་བ་ཡང་དག་བདེ་བར་གཤེགས་མཛད་པ།།
ང་ཡི་དགེ་རྒན་དེ་ལ་གུས་པས་འདུད།།

སུ་ཡི་མགོན་དང་གང་གི་སྐྱབས་སུ་བཀན།།
སུ་ལ་མེད་དང་མུག་གི་དབུལ་བ་ན།།
ལམ་དང་གྲོགས་ཀྱིས་རོགས་དང་རམ་འདེགས་མཛད།།
ང་ཡི་དགེ་རྒན་དེ་ལ་ཕྱག་འཚལ་ལོ།།

དད་པ་ཡོད་མེད་མི་བལྟ་ཀུན་ལ་འགྲིག།
གྲུབ་མཐའ་གཙོ་མིན་མི་ཕྱེ་ཚང་མར་འཕྲོད།།
མི་ཡི་ཚུགས་ཀར་དང་དོད་མི་དབྱེ་བ།།
ལུས་དང་སྲོག་གི་བསྟན་པ་ཁྱེད་ལ་བཅོལ།།

འཁོར་ནི་གཙོ་བོ་མི་བྱ་རིགས་ཀྱི་བུ།།
ལུགས་ནི་ཞེད་པས་མི་འཛིན་འཁོར་བའི་བུ།།
སྨད་པས་མི་ཐུབ་བསྟོད་པས་མི་ཁེངས་པ།།
འཇིག་རྟེན་རྒད་པོ་ཁྱེད་ལ་ཡིད་རང་མཛའ།།

དད་པས་གླེན་རྟགས་མི་ཕུད་ཤ་གཅུ་བརྒྱག།
གློ་བུར་བ་སྤུ་མི་གཡོ་ལུས་ཀྱིས་གཅོག།
ཀླད་པས་མཆུམས་པ་དེ་རྩ་མོ་མིན།།
ཕུང་བོ་ནོན་པ་དེ་ཡང་ཨུ་ཚུགས་མིན།།

དྲི་མ་སེམས་སུ་གསལ་ཞིང་སེམས་སུ་འདུལ།།
རྣམ་རྟོག་བྲང་ཁར་ཡེངས་ཞིང་བྲང་ཁར་བཀྲམ།།
ཚུགས་ཀ་མྱོས་བུམ་ཅན་གྱི་སྟོན་པ་གན།།
ཞི་དུལ་གཉིས་ཀ་སྒོམ་སྟེ་བདེ་བར་ཕེབས།།